मणिपूरमध्ये गेल्या ४८ तासांत हिंसाचाराची कोणतीही घटना घडलेली नसून परिस्थिती शांततापूर्ण आणि नियंत्रणात आहे, असं मणिपूर सरकारचे सुरक्षा सल्लागार कुलदीप सिंग यांनी एका निवेदनात म्हटलं आहे. खोऱ्यातल्या  पाच  जिल्ह्यांमध्ये बारा तास आणि शेजारच्या डोंगराळ जिल्ह्यांमध्ये दहा तासांसाठी कर्फ्यू शिथिल करण्यात आला आहे. इतर सहा डोंगरी जिल्ह्यांमध्ये संचारबंदी नाही. आत्तापर्यंत ८९६ शस्त्रं आणि अकरा हजारांहून अधिक दारूगोळा तसंच विविध प्रकारचे दोनशे बॉम्ब जप्त करण्यात आले आहेत.मणिपूरमधील विस्थापित लोकांना दिलासा देण्यासाठी, गृह मंत्रालयानं एकशे एक कोटी रुपयांहून अधिक मदतीचं पॅकेज मंजूर केलं आहे. राज्य आणि केंद्रीय दलाच्या संयुक्त पथकानं राज्यातल्या अनेक भागात कोम्बिंग ऑपरेशन तीव्र केलं आहे,असं निवेदनात म्हटलं आहे.