भारतीय अन्न महामंडळाने देशांतर्गत खुल्या बाजारात पहिल्याच दिवशी ८ लाख मेट्रीक टन गव्हाची विक्री केली. देशातल्या २२ राज्यांमधे ई- लिलाव पद्धतीने ही विक्री झाली.

केंद्रीय साठ्यातल्या एकूण २५ लाख मेट्रीक टन गव्हापैकी २२ लाख मेट्रीक टन गहू अन्न महामंडळानं लिलावाद्वारे विक्रीला काढला आहे. देशभरात गहू आणि गहूपिठाचे दर वाढत असल्याच्या पार्शवभूमीवर त्यावर नियंत्रण ठेवण्याकरता हा लिलाव करण्यात येत असल्याचं केंद्रीय अन्न आणि नागरी पुरवठा मंत्रालयानं सांगितलं आहे. येत्या मार्चच्या दुसऱ्या आठवड्यापर्यंत दर बुधवारी हा लिलाव होणार असल्याचं सरकारी पत्रकात म्हटलं आहे.