केनियाच्या एवोकॅडोची भारतीय बाजारपेठेत विक्रीची आज नवी दिल्लीत एका कार्यक्रमात सुरुवात करण्यात आली. केनिया उच्चायुक्तालय आणि एसोचेम यांच्या संयुक्त विद्यमानं या कार्यक्रमाचं आयोजन करण्यात आलं होतं. एवोकॅडोकडे केवळ उत्पादन म्हणून न पाहता दोन्ही देशांदरम्यानचा एक सांस्कृतिक दुवा म्हणून पाहायला हवं असं परराष्ट्र मंत्रालयाच्या पूर्व आणि दक्षिण आफ्रिका विभागाच्या उपसचिव स्वधा रिझवी यांनी म्हटलं. भारतीय बाजारपेठेत एवोकॅडोच्या विक्रीमुळे दोन्ही देशांमध्ये व्यापारी संबंध अधिक दृढ होतील असा विश्वास सरकारला असल्याचं त्यांनी सांगितलं. एवोकॅडोमध्ये भरपूर पोषक गुणधर्म असून एवोकॅडो मोनो-सॅच्युरेटेड ऍसिडचा उत्तम स्त्रोत आहे.