राज्य कारागृह विभाग आणि शरद क्रीडा प्रतिष्ठान तर्फे कारागृहातील कैद्यांसाठी अभंग स्पर्धेचं आयोजन करण्यात आलं आहे. या स्पर्धेची अंतिम फेरी येत्या १३ जून रोजी येरवडा कारागृहात होणार आहे. कारागृह विभागाचे अपर महासंचालक अमिताभ गुप्ता यांनी काल ही माहिती दिली. प्रबोधनातून मत परिवर्तन करण्याच्या उद्देशाने ही स्पर्धा आयोजित करण्यात आली होती. यामध्ये 29 संघ सहभागी झाले होते. त्यापैकी कोल्हापूर, तळोजा, नाशिक, अमरावती पुणे नागपूर या संघांची अंतिम फेरीत निवड झाली आहे. तर बीड, वर्धा, अलिबाग, ठाणे, नगर या संघाना उत्तेजनार्थ पारितोषिक देण्यात येणार आहे. या उपक्रमात सहभागी झालेल्या ३५० कैद्यांना प्रशस्ती पत्रक देण्यात येणार आहे.