नाशिक जिल्ह्यात गेले तीन दिवस कांद्याचा लिलाव बंद असून, बाजार समित्यांमधली कोट्यवधी रुपयांची उलाढाल ठप्प झाली आहे. त्यामुळे शेतकऱ्यांचं होत असलेलं नुकसान लक्षात घेता, जिल्ह्याचे पालकमंत्री दादा भुसे यांनी आज व्यापारी आणि बाजार समिती प्रतिनिधींची  बैठक घेतली. येत्या मंगळवारी, 26 सप्टेंबरला पणन मंत्री अब्दुल सत्तार यांच्या दालनात कांदा व्यापाऱ्यांच्या प्रश्नांवर बैठक होणार असून, तोपर्यंत त्यांनी आपलं  आंदोलन मागे घ्यावं असं आवाहन दादा भुसे यांनी केलं आहे. याबाबत बाजार समित्यांमधल्या  व्यापारी प्रतिनिधीशी चर्चा करून आपला निर्णय कळवू असं  कांदा व्यापाऱ्यांनी यावेळी सांगितलं.