फिंगर बाउल मध्ये हात धुण्याची पद्धत हि मौखिक आरोग्याच्या दृष्टीनं अयोग्य असल्यानं, दंत वैद्यांनी ही पद्धत बंद करण्यासाठी जनजागृती करावी असं आवाहन राज्यपाल भगतसिंग कोश्यारी यांनी केलं आहे. एक्सलन्स इन डेन्टिस्ट्री पुरस्काराच्या वितरण समारंभावेळी ते बोलत होते.

'मेडियुष' या दंतवैद्यांच्या संघटनेच्या वतीनं हे पुरस्कार देण्यात आले असून, यावेळी महाराष्ट्र शासनाच्या स्वच्छ मुख अभियानाच्या बोधचिन्हाचं तसंच बोधवाक्याचं राज्यपालांच्या हस्ते अनावरण करण्यात आलं.

वैद्यकीय सेवा हा एक पवित्र पेशा असून त्याचे पावित्र्य टिकवून ठेवण्यासाठी डॉक्टरांनी प्रयत्न करावेत आणि रुग्णांना देव मानून त्यांची सेवा करावी असं आवाहनही यावेळी राज्यपालांनी केलं.