महिलांसाठीच्या कल्याणकारी योजनांच्या अंमलबजावणीचा आढावा घेण्यासाठी उत्तर प्रदेश सरकारनं काही महिला अधिका-यांची नोडल अधिकारी म्हणून नेमणूक केली असून त्यांना त्या त्या जिल्ह्यात जाण्याचे निर्देश दिले आहेत. मुख्यमंत्री योगी अदित्यनाथ यांनी, ही माहिती दिली. ते लखनौ इथं महिला नोडल अधिका-यांना संबोधित करत होते.

तीन तीन महिला अधिका-यांचे गट केले असून त्या येत्या 18, 19 आणि 20 ऑक्टोबरला त्यांना नेमून दिलेल्या जिल्ह्यात जाणार आहेत. उज्ज्वला योजना, मिशन इंद्रधनुष्य तिहेरी तलाक आणि स्त्रियांच्या सुरक्षेसाठी विविध उपाय यासारख्या विविध सरकारी योजनेंची स्त्रियांना माहिती करुन देणे तसंच प्रोत्साहन देणे इत्यादी कामे करुन या महिला नोडल अधिकारी 25 ऑक्टोबरला ‘कन्या समुंगाला’ योजनेच्या उद्धाटनाच्या आधी याबाबतचा विस्तृत अहवाल सादर करतील.