कॅनडामधल्या  ई-व्हिसा सेवेसह व्हिसा सेवा भारतानं तात्पुरत्या स्थगित केल्या आहेत. कॅनडामध्ये हिंसाचारात झालेली वाढ, हिंसा रोखण्यात प्रशासनाची निष्क्रियता आणि भारतीय दुतावासाच्या कामकाजात व्यत्यय आणण्याच्या प्रयत्नांमुळं हा निर्णय घेतल्याचं परराष्ट्र व्यवहार मंत्रालयाचे प्रवक्ते अरिंदम बागची यांनी आज नवी दिल्ली इथं वार्ताहर परिषदेत सांगितलं. इतर कोणत्याही  देशातून कॅनडियन नागरिकही भारतीय व्हिसासाठी अर्ज करू शकणार नाहीत. मात्र वैध व्हिसा किंवा इतर कागदपत्र  असलेली कोणतीही व्यक्ती भारतात येऊ  शकेल असं ते यावेळी म्हणाले. दोन्ही देशांमध्ये दूतावासातल्या अधिकारी-कर्मचाऱ्यांच्या संख्येत समानता यावी अशी मागणी भारतानं केली होती. त्यामुळं भारतातल्या दुतावासातल्या कर्मचाऱ्यांची संख्या कॅनडा कमी करणार असल्याचं ते म्हणाले.