विधान परिषदेच्या ३ शिक्षक  आणि २ पदवीधर मतदारसंघांच्या निवडणुकीचे निकाल जाहीर झाले आहेत. अमरावती पदवीधर मतदारसंघातली मतमोजणी आज पूर्ण होऊन थोड्या वेळापूर्वी निकाल जाहीर झाला. महाविकास आघाडीचे उमेदवार धीरज लिंगाडे तिथे विजयी झाले असून भाजपाचे रणजीत पाटील यांचा त्यांनी पराभव केला.
 
नाशिक विभागीय पदवीधर मतदार संघातून अपक्ष उमेदवार सत्यजित तांबे यांनी आपल्या प्रतिस्पर्धी महाविकास आघाडी पुरस्कृत उमेदवार शुभांगी पाटील यांचा पराभव केला. कोकण विभाग शिक्षक मतदार संघात भाजपाचे ज्ञानेश्वर म्हात्रे विजयी झाले आहेत.

नागपूर विभाग शिक्षक मतदारसंघातून, महाविकास आघाडी पुरस्कृत अपक्ष उमेदवार सुधाकर अडबाले विजयी झाले असून, औरंगाबाद विभाग शिक्षक मतदार संघाच्या निवडणुकीत राष्ट्रवादीचे विक्रम काळे यांनी बाजी मारली.