બોટાદ તાલુકાના બોડી ગામમાં ગામના આગેવાનો દ્રારા લાયબ્રેરી બનાવવામાં આવી હતી. છ થી સાત હજારની વસ્તી ધરાવતા આ ગામમાં વધુને વધુ લોકો અભ્યાસ બાદ સરકારી નોકરી અથવા સારી નોકરી મેળવી શકે તેવા સારા વિચાર સાથે 2013માં સ્પર્ધાત્મક પરીક્ષાના પુસ્તકો સાથે આ લાઇબ્રેરી બનાવવામાં આવેલ આજે આ લાઇબ્રેરીમાં 500 થી વધુ પુસ્તકો છે ગામ લોકોના લોક ફાળા થી શરૂ કરવામાં આવેલ આ લાઇબ્રેરીના કારણે ગામના 200 જેટલા દીકરી અને દીકરાઓ આજે સરકારી નોકરી તેમજ અન્ય જગ્યાઓ પર સારી નોકરી કરી રહ્યા છે .
એક વિદ્યાર્થીએ કહ્યું કે ગામમાં લાઇબ્રેરી શરૂ થતા અમને એનો લાભ મળેલ અને આજે અમને સારી નોકરી પણ મળેલ છે અને અહીં વાંચનમાં કોઈપણ જાતનો ચાર્જ પણ લેવામાં આવતો નથી.