દેશના 776 જિલ્લાઓમાંથી 773 જિલ્લામાં 5G સેવાઓ ઉપલબ્ધ છે. આજે લોકસભામાં એક લેખિત જવાબમાં, સંચાર રાજ્યમંત્રી પેમાસાની ચંદ્ર શેખરે જણાવ્યું હતું કે સરકારે દેશમાં 5G સેવાઓના અમલીકરણ માટે ઘણી પહેલ કરી છે. તેમણે કહ્યું કે, ટેલિકોમ સેવા પ્રદાતાઓ દ્વારા અત્યાર સુધીમાં 4 લાખ 69 હજાર 5G બેઝ ટ્રાન્સસીવર સ્ટેશન સ્થાપિત કરાયા છે. શ્રી શેખરે કહ્યું કે, દેશભરના તમામ રાજ્યો અને કેન્દ્રશાસિત પ્રદેશોમાં 5G સેવાઓ શરૂ કરવામાં આવી છે.