કેન્દ્રીય ગૃહ અને સહકારિતા મંત્રી અમિત શાહે ગાંધીનગરમાં આશરે 317 કરોડ રૂપિયાનાં ખર્ચે નિર્માણ પામનાર “પેરા હાઈ પરફોર્મન્સ સેન્ટર”નું વર્ચ્યુઅલ ભૂમિપૂજન કર્યું હતું.
દિવ્યાંગજનોમાં રહેલી શક્તિઓને મંચ આપવા આ સેન્ટર મહત્વપૂર્ણ ભૂમિકા ભજવશે તેમ શ્રી શાહે જણાવ્યું. તેમણે ઉમેર્યુ હતું કે, ગુજરાત દેશમાં સૌથી વધુ સ્પોર્ટ્સ ઇન્ફ્રાસ્ટ્રક્ચર ધરાવતું રાજ્ય બન્યું છે અને દરેક ક્ષેત્રે ભારતના દિવ્યાંગજનોનું પરફોર્મન્સ સમગ્ર વિશ્વમાં સૌથી વધુ રહ્યું છે.આ પ્રસંગે ગુજરાત સરકારના વિજ્ઞાન અને પ્રૌદ્યોગિકી વિભાગ તેમજ ભારત સરકાર હેઠળના કોમન સર્વિસ સેન્ટર વચ્ચે સમજૂતીના કરાર પણ કરવામાં આવ્યા હતા.