લોકસભા અધ્યક્ષ ઓમ બિરલાએ કહ્યું, ઉદ્યોગ અને વાણિજ્ય વર્ષ 2047 સુધી ભારતને સંપૂર્ણ વિકસિત દેશ; બનાવવાની ભારતીય નેતૃત્વની દ્રઢ પ્રતિબદ્ધતામાં મહત્વનું સ્થાન ધરાવે છે. આ રાષ્ટ્રીય મહત્વાકાંક્ષાને પૂર્ણ કરવા શ્રી બિરલાએ તમામ સંબંધિત પક્ષોને વિકાસનું એવું મૉડલ અપનાવવા આહ્વાન કર્યું, જે માત્ર ટકાઉ અને કાયમી જ નહીં, પરંતુ સમાવેશક પણ હોય.શ્રી બિરલા ગઈકાલે નવી દિલ્હીમાં P.H.D. ઉદ્યોગ અને વેપાર મહામંડળની 120-મી વર્ષગાંઠ પ્રસંગે યોજાયેલા કાર્યક્રમમાં સંબોધિત કરી રહ્યા હતા.