અમદાવાદના થલતેજની ઝેબર શાળામાં એક વિદ્યાર્થિનીનું મોત થયું છે. ધોરણ 3 માં અભ્યાસ કરતી વિદ્યાર્થિનીને શાળાની સીડી ચડતી વખતે અચાનક છાતીમાં દુખાવો થતાં તેણી ત્યાં જ ઢળી પડી હતી. તાત્કાલિક આ વિદ્યાર્થિનીને હોસ્પિટલમાં ખસેડવામાં આવી હતી.
જોકે હોસ્પિટલના તબીબોએ વિદ્યાર્થિનીને મૃત જાહેર કરી હતી. આ ઘટનાની જાણ થતા જ પોલીસે શાળાએ પહોચી સીસીટીવી મેળવી તપાસ શરૂ કરી હતી. ઝેબર શાળા દ્વારા નિવેદન જાહેર કરીને વિદ્યાર્થિનીના મૃત્યુ અંગે શોક વ્યક્ત કરીને તેના પરિવારને તમામ સહાય કરવાની ખાત્રી આપવામાં આવી હતી.