ભારતીય વરિષ્ઠ મહિલા ફૂટબોલ ટીમ આજે કાઠમંડુના દશરથ સ્ટેડિયમમાં SAFF મહિલા ચેમ્પિયનશિપ સેમિફાઇનલમાં નેપાળ સામે ટકરાશે. નેપાળ આ ટૂર્નામેન્ટમાં પ્રભાવી પ્રદર્શન કરી રહ્યું છે, 2022માં રમાયેલી SAFF મહિલા ચેમ્પિયનશિપમાં નેપાળે ભારતને સેમીફાઇનલમાં હરાવ્યું હતું.

ગ્રુપ સ્ટેજમાં, કેપ્ટન આશાલતા દેવીના વડપણ હેઠળ ભારતીય ટીમે પાકિસ્તાનને 5-2થી હરાવ્યું છે. જ્યારે નેપાળે માલદીવ્સ સામે 11-0 અને શ્રીલંકા સામે 6-0થી વિજય મેળવ્યો છે. ઉલ્લેખનીય છે કે, આ સ્પર્ધામાં, ભારત પાંચ વખત વિજેતા રહ્યું છે.