ICC મહિલા ટી-ટ્વેન્ટી વિશ્વ કપમાં ગઇકાલે વેસ્ટ ઈન્ડિઝ, ઈંગ્લેન્ડને છ વિકેટે હરાવીને સેમિફાઈનલમાં પહોંચ્યું છે.
આ મેચમાં પ્રથમ બેટિંગ કરતા ઈંગ્લેન્ડે 20 ઓવરમાં સાત વિકેટે 141 રન કર્યા હતા . ઈંગ્લેન્ડ તરફથી નતાલી સિવર બ્રન્ટે 50 બોલમાં 57 રન બનાવ્યાં હતાં. વેસ્ટ ઈન્ડિઝનાં અફી ફ્લેચરે ત્રણ વિકેટ લીધી હતી.જવાબમાં વેસ્ટ ઈન્ડિઝની ટીમે 17 ઓવરમાં જીતનો લક્ષ્યાંક હાંસલ કરી લીધો હતો. ટીમનાં કિયાના જોસેફ અને હેલી મેથ્યુઝે 50-50 રન બનાવ્યાં હતાં. જોસેફને પ્લેયર ઓફ ધ મેચ જાહેર કરાયાં હતાં. ઉલ્લેખનીય છે કે સમૂહ-એમાંથી ઓસ્ટ્રેલિયા અને ન્યુઝીલેન્ડ સેમિફાઈનલમાં પહોંચી ગયા છે, જ્યારે સમૂહ-બીમાંથી દક્ષિણ આફ્રિકાએ પણ વેસ્ટ ઈન્ડિઝની સાથે સેમીફાઈનલમાં જગ્યા બનાવી છે. આવતીકાલે દુબઈમાં પ્રથમ સેમી ફાઈનલમાં ઓસ્ટ્રેલિયાનો મુકાબલો દક્ષિણ આફ્રિકા સામે થશે. બીજી સેમીફાઈનલમાં શુક્રવારે શારજાહમાં વેસ્ટ ઈન્ડિઝ અને ન્યુઝીલેન્ડ ટકરાશે. રવિવારે ફાઇનલ મેચ રમાશે.