ઇન્ડિયન પ્રીમિયર લીગ- I.P.L. ટી-20 ક્રિકેટમાં આજે મુંબઈ ઇન્ડિયન્સ અને સનરાઈઝર્સ હૈદરાબાદ વચ્ચે મૅચ રમાશે. મુંબઈના વાનખેડે સ્ટેડિયમમાં આજે સાંજે સાડા સાત વાગ્યે આ મૅચ શરૂ થશે. મુંબઈની ટીમ હાર્દિક પંડ્યા અને હૈદરાબાદની ટીમ પેટ કમિન્સના સુકાનીપદ હેઠળ મેદાનમાં ઉતરશે.
આ પહેલા, ગઈકાલે દિલ્હી કૅપિટલ્સે રાજસ્થાન રૉયલ્સને સુપર ઑવરમાં પરાજય આપ્યો હતો. દિલ્હીના અરૂણ જેટલી સ્ટેડિયમમાં બંને ટીમનો સ્કોર બરાબર થતાં મૅચનો નિર્ણય સુપર ઑવરથી થયો હતો. આ વખતની I.P.L.ની આ પહેલી મૅચ હતી, જેનો નિર્ણય સુપર ઑવરથી થયો. દિલ્હી કૅપિટલ્સે નિર્ધારિત 20 ઑવરમાં પાંચ વિકેટ ગુમાવી 188 રન બનાવ્યા હતા. દરમિયાન રાજસ્થાન રૉયલ્સે પણ 20 ઑવરમાં ચાર વિકેટ ગુમાવી 188 રન બનાવી લીધા હતા.