એન્ફોર્સમેન્ટ ડિરેક્ટોરેટ ED એ રિયલ એસ્ટેટ છેતરપિંડીના કેસમાં WTC ગ્રુપના પ્રમોટર આશિષ ભલ્લાની મનીલોન્ડરિંગ કાયદાની જોગવાઈઓ હેઠળ ધરપકડ કરી છે. આ બનાવમાં, હજારો રોકાણકારો સાથે છેતરપિંડી કરવામાં આવી છે. ED એ જણાવ્યું હતું કે તપાસ દરમિયાન એવું જાણવા મળ્યું છે કે રોકાણના બદલામાં યોગ્ય વળતરનું વચન આપ્યા પછી, નાણાં અન્ય શેલ કંપનીઓમાં રોકવામાં આવ્યા હતા. WTC ગ્રુપે વિવિધ રોકાણકારો પાસેથી 3 હજાર કરોડ રૂપિયાથી વધુ રકમ એકઠી કરી હતી.