હરમીત દેસાઈ અને કૃત્વિકા રોયની ભારતીય જોડી આજે ટેબલ ટેનિસની WTT ફીડર મિક્સ્ડ ડબલ્સની ફાઇનલમાં ક્યુબાના જ્યોર્જ કેમ્પોસ અને ડેનિએલા ફોન્સેકાની જોડી સામે રમશે. આ મેચ વેનેઝુએલાના કારાકાસ ખાતે રમાશે. આ ભારતીય જોડીએ ગઈકાલે સેમીફાઇનલમાં ચીનના વાંગ કાઈબો અને લિયુ ઝિનરાનની જોડીને 3-0થી પરાજય આપ્યો હતો.
બીજી તરફ પુરુષ સિંગલ્સની સેમિફાઇનલ મેચમાં આજે ભારતના હરમીત દેસાઈનો મુકાબલો પોર્ટુગલના જોઆઓ મોન્ટેઈરો સામે, જ્યારે સ્નેહિત સુરવજ્જુલાનો સામનો ફ્રાન્સના જો સેફ્રીડ સામે થશે.