સ્વતંત્રતા પર્વની ઉજવણીના ભાગરૂપે વિસાવાડા ખાતે તિરંગા યાત્રા, સ્વચ્છતા રેલી, સ્વચ્છતા અંગેના શપથ સહિતના કાર્યક્રમો યોજવામાં આવ્યા હતા.
ઉલ્લેખનીય છે કે પોરબંદર તાલુકાના વિસાવાડા ગામને શ્રેષ્ઠ ઓ.ડી.એફ. પ્લસ મોડેલ ગામ જાહેર કરવામાં આવ્યું છે. વિસાવાડા ગામને સ્વચ્છતા, ઘન અને પ્રવાહી કચરાનો સલામત રીતે નિકાલ, લોકોમાં જાગૃતિ સહિતની બાબતોને ધ્યાને લઈ રાજ્ય સરકારે મોડેલ ગામ તરીકે જાહેર કર્યું છે. ત્યારે ૭૮ મા સ્વતંત્રતા પર્વની ઉજવણીના ભાગરૂપે વિસાવાડા ખાતે તિરંગા યાત્રા, સ્વચ્છતા રેલી, સ્વચ્છતા અંગેના શપથ સહિતના કાર્યક્રમો યોજવામાં આવ્યા હતા.
વિસાવાડા ગામની પ્રાથમિક શાળામાં સ્વાતંત્ર્ય પર્વની ઉજવણી પ્રસંગે બાળકોએ દેશભક્તિના રંગારંગ સાંસ્કૃતિ ક કાર્યક્રમો પ્રસ્તુત કરવાની સાથોસાથ સ્વચ્છતા વિશે પણ પોતાના વિચારો વ્યક્ત કર્યા હતા. તાલુકા વિકાસ અધિકારીશ્રી આર.પી. મકવાણાના અધ્યક્ષસ્થાને આ કાર્યક્રમ યોજાયો હતો. આ પ્રસંગે વૃક્ષારોપણનું પણ આયોજન થયું હતું. આ પ્રસંગે ગામના સરપંચ સહિત મોટી સંખ્યામાં ગ્રામજનો અને કર્મચારીઓ ઉજવણીમાં જોડાયા હતા.