સ્વચ્છતા હી સેવા અભિયાન 2024નો આજથી દેશભરમાં પ્રારંભ થઈ રહ્યો છે. આ અભિયાન 2જી ઑક્ટોબર સુધી ચાલશે. આ વર્ષની થીમ સ્વભાવ સ્વચ્છતા-સંસ્કાર સ્વચ્છતા છે. ઝુંબેશમાં શ્રમદાન અને સામૂહિક કાર્યવાહી દ્વારા પ્રવાસન સ્થળો, જાહેર ઇમારતો, વ્યાપારી વિસ્તારો, જળ સંસ્થાઓ, પ્રાણી સંગ્રહાલયો, અભયારણ્યો અને સામુદાયિક તેમજ જાહેર શૌચાલય જેવા વિવિધ સ્થળોએ મોંટાપાયે સ્વચ્છતા અભિયાનનો સમાવેશ થાય છે.
કેન્દ્ર સરકારના તમામ મંત્રાલયો અને રાજ્યો દ્વારા વિવિધ નાગરિક પ્રવૃત્તિઓનું આયોજન કરવામાં આવ્યું છે. દેશભરમાં નાગરિકો, ઉદ્યોગો, એનજીઓ, વિકાસ સંગઠનો, શહેરી સ્થાનિક સંસ્થાઓ, પંચાયતો અને વિવિધ હિતધારકો આ અભિયાનમાં જોડાશે.