સ્પેનમાં રમાઈ રહેલી 20 વર્ષથી ઓછી વયની વર્લ્ડ ચેમ્પિયનશિપમાં કુસ્તીમાં,મહિલાઓની 76 કિગ્રા ફ્રી સ્ટાઇલ કેટેગરીમાં જ્યોતિ બરવાલે સુવર્ણ ચંદ્રક જીત્યો છે.
જ્યોતિએ ફાઇનલમાં યુક્રેનની મારિયા ઓર્લેવિચને પરાજય આપ્યો હતો. ગત વર્ષે પ્રિયા મલિકે સુવર્ણ ચંદ્રક જીત્યો હતો. આ સાથે ભારતીય ખેલાડી કોમલે 59 કિગ્રા અને સૃષ્ટિએ 68 કિગ્રા કેટેગરીમાં કાંસ્ય ચંદ્રક જીત્યો હતો. જયારે ભારતની નિતિકા 62 કિગ્રા કેટેગરીમાં સુવર્ણ ચંદ્રક માટે યુક્રેનની ઇરિના બોન્ડર સામે રમશે.
પુરુષોની ફ્રી સ્ટાઇલ મેચો પણ આજથી શરૂ થશે જે ચેમ્પિયનશિપના છેલ્લા દિવસ 8મી સપ્ટેમ્બર સુધી ચાલશે.