શ્રમ મંત્રાલય દ્વારા બહાર પાડવામાં આવેલા તાજેતરના વાર્ષિકશ્રમ દળ સર્વેક્ષણ અનુસાર, દેશમાં બેરોજગારી દરમાં ગયા વર્ષે નોંધપાત્ર ઘટાડો થયો છે. હરિયાણા જેવા રાજ્યોએ આ દિશામાં નોંધપાત્ર પ્રગતિ કરી છે. હરિયાણા, તમિલનાડુ,છત્તીસગઢ અને મધ્યપ્રદેશમાં બેરોજગારી દરમાં સૌથી વધુ ઘટાડો થયો છે.હરિયાણામાં બેરોજગારીનો દર 2022-23માં 9.2 ટકાથી ઘટીને 2023-24માં 3.4ટકા થયો છે. સર્વે અહેવાલ અનુસાર, વર્ષ 2023-24માં રાષ્ટ્રીય સરેરાશ બેરોજગારી દર ત્રણ પૂર્ણાંક બે ટકા રહ્યો હતો. આ સમયગાળા દરમિયાન, વર્ષ 2022-23ની સરખામણીમાં પાંચ પૂર્ણાંક એક ટકાનો ઘટાડો નોંધાયો છે. ગોવામાં બેરોજગારીનો દર 8.2 ટકા છે. આ પછી કેરળ અને નાગાલેન્ડ જેવા રાજ્ય આવે છે.જ્યારે કેન્દ્રશાસિત પ્રદેશ લક્ષદ્વીપમાં બેરોજગારીનો દર 11.9 ટકા છે.