વિકસિત ભારત 2047ની નેમ સાકાર કરવામાં દેશના ગ્રોથ એન્જિન તરીકે આગેવાની કરવા ગુજરાત સજ્જ હોવાનું મુખ્યમંત્રી ભુપેન્દ્ર પટેલે જણાવ્યુ હતું.

મુખ્યમંત્રીએ ગાંધીનગરના મહાત્મા મંદિર ખાતે ‘વિકાસ સપ્તાહ’ ની ઉજવણી અંતર્ગત 2 હજાર કરોડથી વધુના વિવિધ વિકાસ કાર્યોનું લોકાર્પણ અને ખાતમુહૂર્ત ક્યું.

વધુમાં તેમણે કહ્યું કે સુદ્રઢ નાણાંકીય વ્યવસ્થાપન-ક્વૉલિટીવર્ક-સામાન્ય માનવીના હિતોને કેન્દ્રમાં રાખીને નિતીઓના અમલથી અમૃતકાળથી દેશની સતાબ્દી સુધીમાં વિકસીત ભારત ૨૦૪૭ માટે વિકસિત ગુજરાતના નિર્માણના હેતુથી દર વર્ષે વિકાસ સપ્તાહ ઉજવાશે.

આ પ્રસંગે સંબોધન કરતા મુખ્યમંત્રીએ કહ્યું કે દેશની આર્થિક મહાસત્તા બનાવવામાં ‘વાઇબ્રન્ટ ગુજરાત’ સમિટની ભૂમિકા પાયારૂપ છે. વધુમાં તેમણે ઉમેર્યું કે પ્રધાનમંત્રી નરેન્દ્ર મોદીની પરિકલ્પનાથી શરૂ થયેલ વાઇબ્રન્ટ સમિટના 10 સંસ્કરણોને મળેલી ભવ્ય સફળતાથી, ગુજરાતમાં 103.37 લાખ કરોડ રૂપિયાથી વધુના બે લાખથી વધારે MoU થયા.

આ વિકાસકાર્યોમાં પાણી પુરવઠા વિભાગના 13, શહેરી વિકાસ વિભાગના 11, માર્ગ અને મકાન વિભાગના 5, ગૃહ વિભાગના 3 અને જળ સંપત્તિ અને ઊર્જા અને પેટ્રોકેમિકલ્સ વિભાગના 1-1 વિકાસ પ્રકલ્પોનો સમાવેશ થાય છે.