વાવ વિધાનસભાની પેટાચૂંટણી માટે આવતીકાલે મતદાન યોજાશે. ત્યારે ગઇકાલે સાંજે ચૂંટણી પ્રચાર પડધમ શાંત થયા છે. આ પેટાચૂંટણીમાં ત્રિપાંખીયો જંગ ખેલાઈ રહ્યો છે. ત્યારે ઉમેદવારો હવે ડોર – ટુ – ડોર પ્રચાર કરી મતદારોને રીઝવવાના પ્રયાસો કરી રહ્યા છે.
ઉલ્લેખનીય છે કે, કોંગ્રેસના ગેનીબેન ઠાકોર લોકસભા ચૂંટણીમાં વિજયી થતા વાવ વિધાનસભા બેઠક ખાલી પડી હતી. આ પેટાચૂંટણીમાં 10 ઉમેદવારો વચ્ચે જંગ છે. આવતીકાલે થનાર મતદાનની મતગણતરી 23 નવેમ્બરે યોજાશે.