વલસાડ જિલ્લાના કપરાડાના મંડવા ગામે આજે બસ પલટી જતાં અકસ્માત સર્જાયો છે, જેમાં એકનું મોત થયું છે, જ્યારે 30 થી વધુ મુસાફરો ઇજાગ્રસ્ત થયા છે.
શિરડી સાંઈ બાબા મંદિરથી યાત્રાળુઓ ભરેલી બસ સુરત પરત આવી રહી હતી, એ સમયે કપરાડાના મંડવા ગામ પાસે કુંભ ઘાટ નજીક ડ્રાઇવરે બસ પર કાબુ ગુમાવતા બસ પલટી થતાં આ ઘટના બની હતી. ઇજાગ્રસ્તોને નજીકની હૉસ્પિટલમાં સારવાર અર્થે ખસેડાયા હતા.
તો બીજી તરફ તાપીના સોનગઢ તાલુકાના સિનોદ ગામમાં ખાનગી ટ્રાવેલ્સની એક બસ મધ્ય રાત્રીએ પલટી જતા એક મુસાફરનું મોત થયું છે. રાત્રી દરમિયાન બસ ચાલકે સ્ટેયરિંગ પર કાબૂ ગુમાવતા બસ પલટી ખાઈ ગઈ હતી. આ બસ મહારાષ્ટ્રથી અમદાવાદ જઈ રહી હતી, દરમિયાન આ અકસ્માત સર્જાયો હતો, જેમાં 18 જેટલા મુસાફરોને ગંભીર ઈજાઓ પહોંચી હતી. જ્યારે એકનું મોત થયું છે.