વડોદરામાં અતિ ભારે વરસાદને કારણે મુંબઇથી ગુજરાત તરફની કેટલીક એક્સપ્રેસ ટ્રેનો રદ કરવામાં આવી છે, જેમાં સૌરાષ્ટ્ર એક્સપ્રેસ, લોકશક્તિ એક્સપ્રેસ અને સૌરાષ્ટ્ર મેલનો સમાવેશ થાય છે. આ ઉપરાંત રાણકપુર એક્સપ્રેસ, ભગત કી કોઠી એક્સપ્રેસ અને જયપુર એક્સપ્રેસનો સમય બદલવામાં આવ્યો છે. આ ટ્રેનો મોડી ઉપડશે.
આ ફેરફારથી અજાણ અનેક મુસાફરોને અગવડ પડી રહી છે. તેઓ વેસ્ટર્ન લાઇનનાં બોઇસર અને પાલઘર સ્ટેશનો પર ટ્રેનોની રાહ જોઈ રહ્યા છે.