​ખેડા જિલ્લાના સુપ્રસિદ્ધ યાત્રાધામ વડતાલ સ્વામીનારાયણ મંદિરના દ્વિ-શતાબ્દી મહોત્સવ પ્રસંગે સંબોધન કરતા પ્રધાનમંત્રી નરેન્દ્ર મોદીએ રાષ્ટ્રના નિર્માણમાં સહભાગી થવા અને વિકસીત ભારતની રચનામાં યોગદાન આપવા સૌને અપીલ કરી હતી. આ પ્રસંગે સંબોધન કરતા શ્રી મોદીએ વિકસીત ભારત માટે સશક્ત યુવાનોને દેશની સૌથી મોટી તાકાત ગણાવ્યા.

પ્રધાનમંત્રીએ શતાબ્દી મહોત્સવમાં વર્ચ્યૂઅલી સંબોધન કરતા હરિભક્તો અને શ્રદ્ધાળુઓને શુભેચ્છા પાઠવી હતી. શ્રી મોદીએ ભારતીય સંતો -મહંતોની આગવી ભૂમિકાને બિરદાવતા જણાવ્યું કે સંતોએ સતત સેવા કાર્યો દ્વારા સમાજને સાચી દિશા આપવોનો પ્રયાસ કર્યો છે. આ પ્રસંગે કેન્દ્ર સરકાર દ્વારા વિમોચીત ચાંદીનો સિક્કો તેમજ સ્મારક પોસ્ટ ટિકિટનું અનાવરણ કરવામાં આવ્યું.