રાષ્ટ્રીય કક્ષાની ખો ખો સ્પર્ધા માટે રાજકોટની કિશોરીઓની પસંદગી કરાઇ છે.
ઉલ્લેખનીય છે કે મહારાષ્ટ્રના કોલ્હાપુર ખાતે ૬૮મી એસ.જી.એફ.આઈ. અંડર ૧૪ ખો – ખો રાષ્ટ્રીય કક્ષાની સ્પર્ધામાં આગામી સમયમાં યોજાશે.
આ સ્પર્ધામાં રાજકોટની જી.કે.ધોળકીયા સ્કૂલની વિદ્યાર્થીની શ્રી ઉર્વશી વંશ, શ્રી દીપિકા વાજા અને શ્રી શ્રદ્ધા બારિયાની પસંદગી કરાઈ છે. આ ખેલાડીઓએ પોતાના પ્રતિભાશાળી પ્રદર્શન દ્વારા રાજકોટ તેમજ સૌરાષ્ટ્રનું ગૌરવ વધાર્યું છે તે બદલ રાજકોટ ખો-ખો એસોસિયેશનના સેક્રેટરી અને ખો-ખો કોચે તેમને અભિવાદન પાઠવ્યા છે.