રાષ્ટ્રપતિ દ્રૌપદી મુર્મુએ ગઈકાલે રાત્રે રાષ્ટ્રપતિ ભવનમાં શ્રીલંકાના રાષ્ટ્રપતિ અનુરાકુમારા દિસાનાયકાના સન્માનમાં રાત્રિ ભોજનનું આયોજન કર્યું હતું. રાષ્ટ્રપતિ ભવન ખાતે શ્રી દિસાનાયકા અને તેમના પ્રતિનિધિમંડળનું સ્વાગત કરતા રાષ્ટ્રપતિએ શ્રીલંકામાં તાજેતરમાં યોજાયેલી ચૂંટણીમાં તેમની જીત બદલ અભિનંદન પાઠવ્યા હતા.
રાષ્ટ્રપતિ મુર્મુએ કહ્યું કે શ્રીલંકા ભારતની પાડોશી પ્રથમ નીતિ અને સાગર વિઝનનો મહત્વપૂર્ણ ભાગ છે. ભારત, નજીકના અને વિશ્વાસુ ભાગીદાર તરીકે, શ્રીલંકાના ટકાઉ આર્થિક વિકાસ માટે તેમની સરકારના પ્રયાસોને સમર્થન આપવાનું યથાવત રાખશે.
રાષ્ટ્રપતિ મુર્મુએ ઉમેર્યું કે ભારત શ્રીલંકાને તેની પ્રાથમિકતાઓ અને જરૂરિયાતોને અનુરૂપ વ્યાપક વિકાસ સહાય પૂરી પાડે છે. તેમણે વિશ્વાસ વ્યક્ત કર્યો કે ભારતનો રોકાણ આધારિત વિકાસ શ્રીલંકામાં આર્થિક પુનઃપ્રાપ્તિ અને સ્થિરતા લાવવામાં મદદ કરશે.બંને નેતાઓએ વિશ્વાસ વ્યક્ત કર્યો કે આ મુલાકાત દ્વિપક્ષીય સંબંધોને ગાઢ બનાવશે અને શાંતિ તથા સમૃદ્ધિને વેગ આપશે.