રાજ્ય સરકાર દ્વારા આગામી નવેમ્બર મહિનામાં પાંચ જિલ્લામાં આરોહણ-અવરોહણ સ્પર્ધાનું આયોજન કરવામાં આવ્યું છે. 14 થી 35 વર્ષની વય ધરાવતા યુવક–યુવતીઓ આ સ્પર્ધામાં ભાગ લઈ શકશે. એક દિવસીય ગુજરાત આરોહણ- અવરોહણ સ્પર્ધા અંતર્ગત 14  થી 18 વર્ષના યુવક-યુવતી માટે રાજકોટના ઓસમ પર્વત, ચોટીલા પર્વત, ઇડરીયો ગઢ તેમજ 19 થી 35 વર્ષના યુવક-યુવતી માટે પાવાગઢ પર્વત અને વલસાડમાં આવેલા પારનેરા ડુંગર ઉપર આ સ્પર્ધાનું આયોજન કરવામાં આવશે. આ સ્પર્ધામાં ભાગ લેવા ઇચ્છતા યુવક-યુવતીઓએ પોતાના જિલ્લાની, જિલ્લા યુવા અને સાંસ્કૃતિક પ્રવૃત્તિઓની કચેરી ખાતે આગામી 30મી સપ્ટેમ્બર સુધીમાં અરજી ફોર્મ મોકલી
આપવાનું રહેશે.