ગાંધીનગરમાં આજે મંત્રીમંડળની બેઠક યોજાઈ હતી.ગાંધીનગરના અમારા પ્રતિનિધિ દુર્ગેશ મહેતા જણાવે છે કે,મુખ્યમંત્રી ભૂપેન્દ્ર પટેલની અધ્યક્ષતામાં મળેલી બેઠકમાં રાજ્ય સરકાર દ્વારા સમાન નાગરિક સંહિતા-UCC અંગે સમિતિની રચના અંગે અંગે મંત્રીમંડળને માહિતગાર કરવામાં આવ્યું હતું.આ ઉપરાંત, વિધાનસભાના અંદાજપત્ર સત્રની તૈયારીની સમીક્ષા કરવામાં આવી હતી.આ ઉપરાંત, સ્થાનિક સ્વરાજ્યની ચૂંટણી માટે પ્રભારી મંત્રીઓને સોંપાયેલી જવાબદારી અને સ્થાનિક સ્થિતિ પર રાજકીય ચર્ચા થઈ હતી.બેઠક બાદ કૃષિ મંત્રી રાઘવજી પટેલે જણાવ્યું હતું કે, સરકારે સાડા ત્રણ લાખ ખેડૂતો પાસેથી ટેકાના ભાવે મગફળી ખરીદી છે.નવી દિલ્હી ખાતે પ્રજાસત્તાક પર્વની પરેડમાં ગુજરાતનાં ટેબ્લોને મળેલી ટ્રોફી કેબિનેટમાં રજૂ કરવામાં આવી હતી.