રાજ્યમાં પ્રધાનમંત્રી આવાસ યોજના હેઠળ છેલ્લા 9 વર્ષમાં કુલ 14 લાખથી વધુ આવાસનું નિર્માણ કરાયું છે. સત્તાવાર યાદી મુજબ, રાજ્યમાં પ્રધાનમંત્રી આવાસ યોજના શહેરી હેઠળ 8 લાખ 68 હજારથી વધુ અને પ્રધાનમંત્રી આવાસ યોજના ગ્રામીણ હેઠળ 5 લાખ 57 હજારથી વધુ આવાસનું નિર્માણકાર્ય પૂર્ણ કરાયું છે.
વર્ષ 2015માં અમલમાં આવેલી પ્રધાનમંત્રી આવાસ યોજના અંતર્ગત ગુજરાતને પ્રધાનમંત્રી આવાસ યોજના શહેરી માટે 14 અને ગ્રામીણ માટે 3 પુરસ્કાર પણ પ્રાપ્ત થયા છે.
કેન્દ્ર સરકારે વર્ષ 2020માં એફોર્ડેબલ રેન્ટલ હાઉસિંગ કોમ્પ્લેક્સિઝ – ARHCs યોજના હેઠળ આર્થિક રીતે નબળા લોકો અને કામદારોને સસ્તા ભાડાંના આવાસ પૂરા પાડવા માટે જાહેરાત કરી હતી. તેના ત્રણ જ મહિનામાં સુરત શહેરી વિકાસ સત્તામંડળ વિસ્તારમાં નિર્માણ થયેલા 393 આવાસને મોડેલ ઝીરો વન અંતર્ગત ભાડાના મકાનોમાં રૂપાંતરિત કરીને પ્રૉજેક્ટની મંજૂરી મેળવનારું ગુજરાત દેશનું પ્રથમ રાજ્ય બન્યું છે.