રાજ્યમાં આજે અને આવતીકાલે રાત્રે સાતથી દસનાં સમયગાળા દરમ્યાન એક દુલર્ભ ખગોળીય ઘટના જોવા મળશે. સૂર્યની આસપાસ ફરતા આઠ ગ્રહોમાંથી પાંચ ગ્રહો એક જ ક્ષેત્રમાં સંરેખિત થશે. એટલે કે ગ્રહોની પરેડ જોવા મળશે.
આ ઘટનાનાં સાક્ષી બનવા માટે તેમજ આ ઘટના રાજ્યનાં લોકો સુધી પહોંચે તે માટે ગુજરાત કાઉન્સિલ ઓન સાયન્સ એન્ડ ટેકનોલોજી દ્વારા અમદાવાદ સાયન્સ સીટી, રિજીયોનલ સાયન્સ સેન્ટર ભૂજ, પાટણ, રાજકોટ, અને ભાવનગર તેમજ રાજ્યભરનાં કોમ્યુનિટી સાયન્સ સેન્ટરોના સહયોગથી જાહેર અવલોકન કાર્યક્રમોની શ્રુંખલાનું આયોજન કરવામાં આવ્યું છે. જેનો જાહેર જનતા લાભ લઈ શકે છે.