રાજ્યપાલ આચાર્ય દેવવ્રતે કહ્યું કે, કલાકારો અને સાહિત્યકારો વિશેષ ગુણો અને સંસ્કારોથી સમાજને અને દેશને વૈચારિક રીતે સમૃદ્ધ કરે છે. સાહિત્ય, સંગીત અને કળા માત્ર મનોરંજનનું માધ્યમ નથી. મનુષ્યમાં સુસંસ્કારોનું સિંચન કરીને આત્માને આધ્યાત્મ તરફ લઈ જાય છે. સંસ્કાર ભારતી ગુજરાત પ્રાન્ત દ્વારા યોજાયેલા સંસ્કારોત્સવ સમારોહમાં ઉપસ્થિત રાજ્યપાલે આ મુજબ જણાવ્યું હતું.
દરમિયાન સંસ્કાર ભારતી ગુજરાત પ્રાન્ત દ્વારા વિવિધ ક્ષેત્રના વરિષ્ઠ કલાકારોનું ‘સંસ્કાર વિભૂષણ’ પુરસ્કારથી સન્માન કરાયું હતું. રાજ્યપાલના હસ્તે રાજ્યના 28 જેટલા ખ્યાતનામ કલાસાધકોને માનપત્ર એનાયત કરાયા હતા.