રાજ્યની સરકારી મેડીકલ કૉલેજ સંલગ્ન હોસ્પિટલ ખાતે સેવારત કરાર આધારિત તબીબી શિક્ષકોના માસિક વેતનમાં ૩૦ થી 55 ટકા સુધીનો વધારો કરાયો છે. ખાનગી પ્રેક્ટિસ સિવાય સેવારત વર્ગ-૧ અને વર્ગ-૨ ના તબીબી શિક્ષકોને આ વધારાનો લાભ મળશે.
આ નિર્ણય અનુસાર પ્રાધ્યાપક વર્ગ-૧ના પ્રોફેસરને હાલ ૧ લાખ ૮૪ હજાર રૂપિયાનું માસિક વેતન ચૂકવવામાં આવે છે, જે હવેથી બે લાખ ૫૦ હજાર થશે. સહ પ્રાધ્યાપક વર્ગ-૧ ને ૧ લાખ ૬૭ હજાર ૫૦૦ ની જગ્યાએ ૨ લાખ વીસ હજાર રૂપિયા, મદદનીશ પ્રાધ્યાપક વર્ગ-૧ ને ૮૯ હજાર ૪૦૦ ની જગ્યાએ ૧ લાખ ૩૮ હજાર રૂપિયા અને ટ્યુટર વર્ગ-૨ ને ૬૯ હજાર ૩૦૦ ની જગ્યાએ ૧ લાખ પાંચ હજાર રૂપિયા માસિક વેતન ચૂકવાશે.