રાજ્યના કુલ 12 સામૂહિક આરોગ્ય કેન્દ્ર-CHCને સબ ડિસ્ટ્રીક્ટ હોસ્પિટલમાં અપગ્રેડ કરાશે. વિધાનસભામાં આરોગ્ય મંત્રી ઋષિકેશ પટેલે જણાવ્યું, વર્ષ 2011ની વસતિ ધોરણ અને નિયત માપદંડો પ્રમાણે રાજ્યમાં પ્રાથમિક આરોગ્ય કેન્દ્ર P.H.C, સામૂહિક આરોગ્ય કેન્દ્ર C.H.C, સબ ડિસ્ટ્રીક્ટ હોસ્પિટલ અને ડિસ્ટ્રીક્ટ હોસ્પિટલની સંખ્યામાં કોઇ ઘટ નથી. શ્રી પટેલે વધુમાં જણાવ્યું કે, ગયા વર્ષે 10 સામૂહિક આરોગ્ય કેન્દ્રને સબ ડિસ્ટ્રીક્ટ હોસ્પિટલમાં અપગ્રેડ કરવામાં આવ્યા હતા. આ વર્ષના બજેટમાં 2 કેન્દ્રો નીઝર – તાપી અને કલ્યાણપુરા- દેવભૂમિ દ્વારકા વિચારણા હેઠળ હોવાથી આ વર્ષે થરાનો સમાવેશ થઇ શક્યો નથી. અન્ય એક પ્રશ્નના જવાબમાં શ્રી પટેલે જણાવ્યું, છેલ્લા એક વર્ષમાં રાજ્યમાં હ્યુમન મેટાન્યુમોવાઈરસ-HMPVના નોંધાયેલ કુલ 10 કેસમાંથી એક પણ દર્દીનું મૃત્યુ થયુ નથી.