રાજ્યના સૌરાષ્ટ્ર-કચ્છ અને સુરત, નવસારી, વલસાડ અને દમણ, દાદરા નગર હવેલીના જિલ્લાઓમાં અલગ-અલગ સ્થળોએ ભારેથી અતિ ભારે વરસાદની સંભાવના છે.
સૌરાષ્ટ્ર-કચ્છમાં ચોમાસું સક્રિય થયું છેઆજે કચ્છ, જૂનાગઢ, દ્વારકા, પોરબંદર અમરેલી, મોરબી, જીલ્લામાં છૂટાછવાયા સ્થળોએ અતિ ભારે વરસાદ થયો છે, દક્ષિણ ગુજરાતના અરવલ્લી, અમદાવાદ, ભરૂચ સુરત, નવસારી અને તાપી જેવા જિલ્લાઓમાં છૂટાછવાયા સ્થળોએ ભારે વરસાદ થયો છે.
આજે રાજ્યના 194 તાલુકાઓમાં નોંધપાત્ર વરસાદ વરસ્યો હતો. જેમાં સૌથી વધારે દેવભૂમિ દ્વારકા જિલ્લામાં કલ્યાણપુરમાં 7 ઇંચ, ખંભાળિયામાં સવા છ ઇંચ, જૂનાગઢનાં માણાવદરમાં પાંચ ઇંચ, વિસાવદરમાં 4 ઇંચ, નવસારી તાલુકામાં 3.8 ઇંચ, સુરતના બારડોલી તાલુકામાં 4 ઇંચ, ગીરસોમનાથના કોડીનાર તાલુકામાં 3 ઇંચ વરસાદ નોંધાયો હતો.
આવતીકાલે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહિસાગર, વડોદરા, છોટા ઉદેપુર, નર્મદા, જિલ્લાઓમાં મોટા ભાગના સ્થળોએ હળવાથી મધ્યમ -ગાજવીજ સાથે વરસાદની સંભાવના છે.