હવામાન વિભાગે આજે રાજ્યના બનાસકાંઠા, ગાંધીનગર, અમદાવાદ, સુરત, સુરેન્દ્રનગર, રાજકોટ, પોરબંદર, જૂનાગઢ, મોરબી, અમરેલી અને કચ્છમાં હીટવેવની આગાહી સાથે રેડ એલર્ટ જાહેર કર્યું છે. ગઈકાલે રાજ્યમાં સૌથી વધુ 42 ડિગ્રી તાપમાન ભુજમાં નોંધાયું હતું.અમદાવાદ અને ગાંધીનગરમાં મહત્તમ તાપમાન 40.04 ડિગ્રી, ડિસામાં 39.1 ડિગ્રી, વલ્લભ વિદ્યાનગરમાં 40.09 ડિગ્રી, વડોદરામાં 39.8 ડિગ્રી, સુરતમાં 41.08 ડિગ્રી, નલિયામાં 40.02 ડિગ્રી, કંડલામાં 39.6 ડિગ્રી, અમરેલીમાં 40 ડિગ્રી, રાજકોટમાં 41.7 ડિગ્રી, સુરેન્દ્રનગરમાં 41.07 ડિગ્રી મહત્તમ તાપમાન નોંધાયું હતું. આગામી બે દિવસ દરમિયાન અમદાવાદ સહિત રાજ્યભરમાં ગરમીમાં ઘટાડો થવાની કોઈ શક્યતા નથી. આવતીકાલે હીટવેવમાં સામાન્ય ઘટાડો થવાની સાથે હવામાન વિભાગે ઓરેન્જ એલર્ટ જાહેર કર્યું છે.
Site Admin | માર્ચ 11, 2025 9:52 એ એમ (AM)
રાજ્યનાં અનેક શહેરોમાં ગરમીનો પારો 40 ડિગ્રી સેલ્સિયસને પાર
