રાજકોટ નાગરીક સહકારી બેંકની યોજાયેલી ચૂંટણી માટે આજે સવારે મતગણતરી પૂર્ણ થતા સહકાર પેનલના કુલ 15 ઉમેદવારોનો વિજય થયો છે.આ ઉપરાંત અગાઉ સહકાર પેનલના છ ઉમેદવાર બિનહરીફ ચૂંટાયેલા જાહેર થયા હતા.આ ચૂંટણીમાં મહિલા અનામત બે બેઠક માટે બહારગામ અને રાજકોટ શહેરના કુલ 332 મતદારોએ મતદાન કર્યું હતું અને બાકીની 13 બેઠક માટે 189 મતદારોએ મતદાન કર્યું હતું. સહકારી બેંકિંગમાં નવા નિયમો અનુસાર પ્રથમવાર કલેક્ટરના નેતૃત્વ હેઠળની પ્રથમ ચૂંટણીનું આયોજન કરાયું હતું.