રાજકોટમાં રાજ્યકક્ષાની જવાહરલાલ નેહરુ સબ જુનિયર હૉકી સ્પર્ધામાં આજથી અંડર – 17 મહિલા હોકી સ્પર્ધા યોજાશે, જેમાં રાજ્યભરમાંથી 20 જેટલી ટીમ ભાગ લેશે. 24 સપ્ટેમ્બર સુધી મહિલા હોકી મેચ રમાશે.
દરમ્યાન અંડર – 15 બોય્ઝ શ્રેણીમાં ગઈકાલે દાહોદ તેમ જ અમરેલી જિલ્લાની ટીમ વચ્ચે ફાઈનલ મેચ રમાઈ હતી.. જેમાં દાહોદની ટીમે 5 – 1 થી અમરેલી સામે જીત મેળવી છે. જ્યારે અરવલ્લીની ટીમ ત્રીજા સ્થાને આવી છે. દાહોદની અંડર – 15 બોય્ઝ ટીમ હવે રાષ્ટ્રીય સ્તરે ગુજરાતનું પ્રતિનિધિત્વ કરશે.