રાજકોટની એકાઉન્ટન્ટ જનરલ કચેરી ખાતે ઓડિટ સપ્તાહ ઉજવણીનો પ્રારંભ કરવામાં આવી રહ્યો છે. સામાન્ય લોકો ઓડીટ કામગીરી અંગે જાગૃત બને તે માટે ગઈકાલથી 22 નવેમ્બર સુધી આ ‘ઓડિટ સપ્તાહ’ની ઉજવણી કરવામાં આવી રહી છે. ગઈકાલે ૪૦૦થી વધુ કર્મચારીઓએ જિલ્લા પંચાયત ચોકથી કિશાનપરા ચોક સુધીના વિસ્તારને સ્વચ્છ અને સુઘડ બનાવી “સ્વચ્છતા રેલી”નું આયોજન કર્યું હતું અને ઓડીટ શપથ ગ્રહણ કર્યા હતા.
આ ઓડીટ સપ્તાહની ઉજવણી અન્વયે ઓડીટ શપથ, સ્વચ્છતા કાર્યક્રમ અંગે વર્કશોપ, ઓડીટ વોક, નિબંધ સ્પર્ધા, ચિત્ર સ્પર્ધા, સ્લોગન સ્પર્ધા, રંગોળી સ્પર્ધા સહિતની સ્પર્ધાના માધ્યમથી લોકોમાં ઓડીટનું મહત્વ સમજાવવામાં આવશે.