રાજકોટના સરદાર પટેલ સ્નાનાગર ખાતે આવતીકાલથી રાષ્ટ્રીય કક્ષાની તરણ સ્પર્ધાનો પ્રારંભ થશે.જેમાં ૩૫૦૦ જેટલા સ્પર્ધકો ભાગ લેશે.રાજકોટ ખાતે સ્કૂલ ગેમ ફેડરેશન ઓફ ઇન્ડિયા, સ્પોર્ટ્સ ઓથોરિટી ઓફ ગુજરાત અને સ્વિમિંગ એસોસિએશન દ્વારા આયોજિત રાષ્ટ્રીય કક્ષાની અખિલ ભારતીય શાળાકીય સ્વીમીંગ સ્પર્ધામાં ૧૪, ૧૭ અને ૧૯ વર્ષથી ઓછી વયની કેટેગરીમાં શાળા, કોલેજના વિદ્યાર્થીઓ સ્વિમિંગ તેમજ ડાઈવીંગની સ્પર્ધામાં ભાગ લેશે.રાષ્ટ્રીય કક્ષાની તરણ સ્પર્ધામાં જુદી-જુદી ૧૭ ઇવેન્ટનું આયોજન કરવામાં આવ્યું છે.આ સ્પર્ધામાં વિજેતા સ્પર્ધકોને આંતરરાષ્ટ્રીય સ્તરે શાળાકીય રમતમાં ભાગ લેવાની તેમજ વિવિધ એકેડમીમાં જોડાવાની પ્રાથમિકતા મળે છે.