રણજી ટ્રોફીમાં સૌરાષ્ટ્રનો ચંદીગઢ સામે વિજય થયો છે તો ગુજરાત – વિદર્ભ વચ્ચેની મેચ ડ્રોમાં પરિણમી છે.
ગ્રુપ – ડી માં સૌરાષ્ટ્રએ ચંદીગઢને એક ઇનીંગ અને 59 રને હરાવ્યું છે. સૌરાષ્ટ્રએ પ્રથમ ઇનીંગમાં 9 વિકેટે 531 રન કરી દાવ ડિકલેર કર્યો હતો. ચંદીગઢે પ્રથમ ઇનીંગમાં 249 અને બીજી ઇનીંગમાં 223 રન કરી ઓલઆઉટ થતા સૌરાષ્ટ્રનો વિજય થયો છે.
જયારે ગુજરાત વિદર્ભ વચ્ચેની મેચમાં વિદર્ભે અંતિમ દિવસે પ્રથમ ઇનિંગમાં 545 રને દાવ ડિકલેર કરી 202 રનની લીડ મેળવી હતી. ગુજરાતે બીજી ઇનીંગમાં 9 વિકેટે 237 રન કરતા મેચ ડ્રોમાં પરિણમી હતી.