રણજી ટ્રોફીમાં ગુજરાત અને બરોડાએ વિજયી પ્રારંભ કર્યો છે. જ્યારે સૌરાષ્ટ્રે પરાજયનો સામનો કરવો પડ્યો હતો.
ગુજરાત હૈદરાબાદ વચ્ચેની મેચમાં ગુજરાતે હૈદરાબાદને 126 રને પરાજ્ય આપ્યો હતો. આ મેચમાં ગુજરાતે પ્રથમ ઇનિંગમાં 343 અને હૈદરાબાદે 248 રન કર્યા હતા. બીજી ઇનિંગમાં ગુજરાત 201 રને ઓલઆઉટ થતાં હૈદરાબાદને જીત માટે 297 રનનો પડકાર મળ્યો હતો પરંતુ હૈદરાબાદ ચોથા દિવસની રમતમાં 170 રને ઓલઆઉટ થતાં તેની 126 રન હાર થઈ હતી.

બરોડા મુંબઈ વચ્ચેની મેચમાં બરોડાએ મુંબઈને 84 રને હરાવ્યું છે. આ મેચમાં બરોડાએ પ્રથમ ઇનિંગમાં 290 અને મુંબઈએ 214 રન કર્યા હતા. બીજી ઇનિંગમાં બરોડાએ 185 રન જ કરતાં મુંબઈને 262 રનનો લક્ષ્યાંક મળ્યો હતો પરંતુ મુંબઈ 177 રને જ ઓલઆઉટ થતાં બરોડાનો 84 રને વિજય થયો હતો.

જ્યારે અન્ય એક મેચ સૌરાષ્ટ્ર તમિલનાડુ વચ્ચે રમાઈ હતી, આ મેચમાં સૌરાષ્ટ્રનો તમિલનાડુ સામે 70 રનથી પરાજ્ય થયો હતો.