યાત્રાધામ અંબાજીમાં આવતીકાલથી ભાદરવી પૂનમ મહામેળાનો પ્રારંભ થશે. 18મી સપ્ટેમ્બર સુધી યોજાનારા આ મેળા માટે ગુજરાત પવિત્ર યાત્રાધામ વિકાસ બોર્ડ, શ્રી આરાસુરી અંબાજી દેવસ્થાન ટ્રસ્ટ અને બનાસકાંઠા જિલ્લા વહીવટીતંત્ર યાત્રાળુઓની સુવિધા માટે તૈયારીઓને આખરી ઓપ અપાઇ રહ્યો છે.
આ મેળામાં અંદાજે 30 લાખથી વધુ યાત્રાળુઓ ભાગ લે તેવી શક્યતા છે. યાત્રાળુઓ માટે એક QR કૉડ પણ તૈયાર કરાયો છે, જેને સ્કેન કરવાથી સુવિધા અંગેની તમામ માહિતી સ્થળ સાથે મળી રહેશે. ઉપરાંત પગપાળા યાત્રાળુઓ માટે આ વર્ષે ચાર વિવિધ સ્થળોએ વૉટરપ્રૂફ ડૉમ બનાવવામાં આવ્યા છે.