મુખ્યમંત્રી ભૂપેન્દ્ર પટેલે આજે ગાંધીનગરમાં ગુજરાત વૈશ્વિક ક્ષમતા કેન્દ્ર (GCC) નીતિ 2025-30નો શુભારંભ કરાવ્યો. આ નીતિ અંતર્ગત રાજ્યમાં ઓછામાં ઓછા 250 નવા GCCની સ્થાપનાનું લક્ષ્ય રાખવામાં આવ્યું છે. આ ઉપરાંત 10 હજાર કરોડ રૂપિયાથી વધુનું રોકાણ અને 50 હજારથી વધુ નવી રોજગારીની તકોની સંભાવના છે. આ નીતિના પરિણામે રાજ્યમાં 10 હજાર કરોડ રૂપિયાથી વધુનું રોકાણ પણ થશે. GCC નીતિનો લક્ષ્યાંક નવીનતાને પ્રોત્સાહન આપવા સાથે વૈશ્વિક સ્તરે ગુજરાતને GCC માટેનું અગ્રણી સ્થાન બનાવવાનું છે
આ પ્રસંગે શ્રી પટેલે વિશ્વાસ વ્યક્ત કર્યો હતો કે, આ નીતિના પ્રારંભથી ગુજરાતનાં ટેક્નોલોજી આધારિત વિકાસને નવી દિશા મળશે.
વિજ્ઞાન એન્ડ ટેકનોલોજી વિભાગના અગ્ર સચિવ મોના ખંધારે ૨૦૪૭ના વિકસિત ભારતના નિર્માણમાં વિકસિત ગુજરાતનું સ્થાન નિર્ણાયક હશે તેમ જણાવ્યું હતું.