મુખ્યમંત્રી ભુપેન્દ્ર પટેલે ગાંધીનગર ખાતે તેર ગોળ ગુરુ બ્રાહ્મણ સમાજ સેવા સમિતિ દ્વારા આયોજીત ત્રિવેણી સંગમ કાર્યક્રમમાં ઉપસ્થિત રહ્યા હતા. આ પ્રસંગે સંબોધન કરતા મુખ્યમંત્રીએ કહ્યું કે સેવા કાર્યો આપણી ફરજ છે. અને આ ફરજ જે નિષ્ઠાપૂર્વક નિભાવી શકે તેના કાર્યો સરળતાથી થતા જ રહે છે. કાર્યક્રમ દરમિયાન મુખ્યમંત્રીના હસ્તે સમાજના નિવૃત્ત અને નવનિમણૂંક પામેલા કર્મચારીઓ અને તેજસ્વી વિદ્યાર્થીઓનું સમ્માન કરાયું હતું.