મહિલા T20 ક્રિકેટ વિશ્વ કપમાં આજે શારજાહમાં રમાનારી ગ્રુપ બીની મેચમાં ઈંગ્લેન્ડનો મુકાબલો દક્ષિણ આફ્રિકા સામે થશે. મેચ ભારતીય સમય અનુસાર સાંજે 7.30 વાગ્યે શરૂ થશે.
દરમિયાન ગઈકાલે દુબઈમાં રમાયેલી મેચમાં ભારતે પાકિસ્તાનને 6 વિકેટથી પરાજય આપીને સેમીફાઈનલની આશા જીવંત રાખી છે. પાકિસ્તાને આપેલા 106 રનનો લક્ષ્યાંક ભારતે સાત બોલ બાકી રહેતાજ હાંસલ કરી લીધો હતો. 3 વિકેટ લેનારી અરુંધતી રેડ્ડીને પ્લેયર ઓફ ધ મેચ જાહેર કરવામાં આવી હતી. ભારત આગામી બુધવારે શ્રીલંકા સામે અને રવિવારે ઓસ્ટ્રેલિયા સામે ટકરાશે.
દરમિયાન ત્રણ મેચની પુરૂષ T20 ક્રિકેટ શ્રેણીની પ્રથમ મેચમાં ગઈકાલે ભારતે બાંગ્લાદેશને સાત વિકેટે હરાવ્યું હતું.