મહિલા ટી-20 ક્રિકેટ વિશ્વકપમાં શારજાહ ખાતે હાલમાં સમૂહ બીની મેચમાં ઇંગ્લેન્ડ અને દક્ષિણ આફ્રિકા વચ્ચે રમાઇ રહી છે. દક્ષિણ આફ્રિકાની ટીમે ટોસ જીતીનેપહેલાં બેટીંગ પસંદ કરી છે. આ પહેલા દક્ષિણ આફ્રિકાએ પહેલી મેચમાં વેસ્ટ ઇન્ડિઝને અને ઇંગ્લેન્ડે બાંગ્લાદેશનેહરાવ્યું હતું. ભારતીય મહિલા ટીમે ગઈકાલે દુબઈમાં પાકિસ્તાનને છ વિકેટથી હરાવી સેમિ-ફાઈનલમાં પહોંચવાની આશાને જીવંત રાખી હતી. 106 રનના લક્ષ્યાંકને પૂરો કરતાં ભારતીય ટીમે સાત બોલ બાકી હતા ત્યારે જ લક્ષ્ય હાંસલ કરી મેચ જીતી લીધી હતી. અરૂંધતિ રેડ્ડીને મેચમાં ત્રણ વિકેટ લેવા માટે પ્લેયર ઑફ ધ મેચ જાહેર કરાયાં હતાં. હવે ભારત બુધવારે શ્રીલંકા અને રવિવારે વિશ્વ વિજેતા ઑસ્ટ્રેલિયા સામે રમશે.